संगम भण्डारी
स्याङ्जा,२० असार । जिल्ला प्रहरी कार्यालय स्याङ्जाले जबरजस्ती करणी मुद्दामा फरार रहेका एक अभियुक्तलाई पक्राउ गरेको छ।
अदालतबाट भएको फैसला कार्यान्वयन गर्न, सुरक्षात्मक र प्रभावकारी बनाउने उद्देश्यले जिल्ला प्रहरी कार्यालय स्याङ्जाबाट खटिएको प्रहरीको विशेष टोलीले पक्राउ गरेको जिल्ला प्रहरी कार्यालय स्याङ्जाका सूचना अधिकारी प्रवेश तिवारीले जानकारी दिनुभयो ।
स्याङ्जा चापाकोट नगरपालिका ९ सुनतलिटार बस्ने ५० वर्षीय ध्रुवराज भण्डारीलाई पक्राउ गरेको हो।
पक्राउ परेका व्यक्तिलाई अदालतले ३ वर्ष ६ महिना कैद र १,५०,००० (एक लाख पचास हजार) रुपैयाँ जरिवाना तोकेको थियो। पक्राउ परेका अभियुक्तलाई कैद भुक्तान तथा जरिवाना असुलका लागि जिल्ला अदालत स्याङ्जामा उपस्थित गराइएको जिल्ला प्रहरी कार्यालय स्याङ्जाले जनाएको छ।
